بِاسْمِه۪ سُبْحَانَهُ

Riwayat Hirup · hlm. 403

Ku pangaruh kajadian ieu, sabot kaula parantos ngabulatkeun tékad kalayan pasti pikeun ngorbankeun diri kaula kalayan rido haté pikeun sadérék-sadérék kaula nu teu tuah teu dosa, sarta sabot kaula milarian jalan kaluarna ku pikiran, kaula maca Jaljalutiyah. Ujug-ujug lebet kana émutan yén Imam Ali (radiyallâhu 'anh) parantos ngadoa: “Nun Gusti Rabb! Mugi maparin kasalametan!”; insya Alloh, ku rusiah éta doa aranjeun bakal kaluar kalayan salamet.

Leres, sakumaha Ali Hazretleri (radiyallâhu 'anh) dina Qasidah Jaljalutiyah maparin wartos ngeunaan Risale-i Nur dina dua wangun, kitu deui kalayan nunjuk kana Risalah Âyetü'l-Kübra anjeunna nyaurkeun: وَ بِالْاٰيَةِ الْكُبْرٰى اَمِنّ۪ى مِنَ الْفَجَتْ

Sareng dina isyarat ieu anjeunna maparin tanda yén:

Ku margi Âyetü'l-Kübra bakal aya hiji musibah nu penting nu nibanan para murid Risale-i Nur; sarta anjeunna neda: demi haq Âyetü'l-Kübra, mugi maparin kasalametan ka para muridna tina éta balahi katut musibah. Anjeunna ngajantenkeun éta risalah katut sumberna salaku wasilah syafa'at.

Leres, musibah nu sumping kalayan alesan dicitakna Risalah Âyetü'l-Kübra téh persis ngabenerkeun éta isyarat gaib.

Sareng deui, dina éta kasidah, dina panutup isyarat-isyarat kana bagian-bagian penting Risale-i Nur nu diruntuykeun kalayan tartib, dina kaca hareupeunana anjeunna nyaurkeun: فَتِلْكَ حُرُوفُ النُّورِ فَاجْمَعْ خَوَاصَّهَا ٭ وَ حَقِّقْ مَعَان۪يهَا بِهَا الْخَيْرُ تُمِّمَتْ

Hartosna: “Kumpulkeun khasiat-khasiatna sarta tahqiq harti-hartina. Sagala kasaéan katut kabagjaan janten sampurna ku aranjeunna.” Kitu saurna. Ku karinah “Tahqiq harti-harti hurup”, nu dimaksad téh sanés hurup hijaiyah nu teu ngandung harti, nanging risalah-risalah nu jenenganana “Kalimah” dina harti kecap-kecap. لَا يَعْلَمُ الْغَيْبَ اِلَّا اللّٰهُ رَبَّنَا لَا تُؤَاخِذْنَٓا اِنْ نَس۪ينَٓا اَوْ اَخْطَاْنَا