Hiji sa'ir ti Hasan Feyzi, salah sawios guru anu kacida talitina tur parantos lami ngawulang dina sakola élmu-élmu modérn katut dina élmu-élmu keislaman

Riwayat Hirup · hlm. 539

Ieu Parantos Ku Abdi Diucapkeun ka Salira Nalika Angkat Ti Dieu

Cahya hidayah dicabut, sagalana bakal janten panjara deui

Bakal aya paturay deui, sono deui, karugian deui

Hé soca abdi, ceurik deui bari ngocorkeun getih ganti cimata

Sabab haté abdi nu pinuh paturay bakal janten paturay deui

Ulah pisan ngawartosan Majnun yén aya deui nu badé ngalih

Bakal aya kasedih deui, ceurik deui, jerit deui

Kembang mawar tauhid nu mekar téh bakal koneng teras alum

Ka'bah makrifat bakal ditutup teras janten ruksak deui

Abdi nampi wartos yén isukan kakasih téh bakal janten asing keur abdi sadaya

Alangkah ageungna raheut ieu, saha nu bakal janten ubarna

Ka saha abdi kedah ngaluhkeun kanyeri nu ageung ieu

Saha waé nu ngadangu humaregung abdi, bakal humaregung sapertos abdi

Upami salira nyabut cahya-cahya salira nu maparin kasarasan

Saha nu bakal maparin cahya ka abdi, saha nu bakal janten Luqman keur abdi

Ambekan salira nu suci tur beresih téh cai kahirupan ieu gurun

Ulah dijauhkeun, sabab unggal jalmi bakal sugema ku éta

Komo deui, saha waé nu kasabet ku cahya salira nu mulya

Sanaos ngan hiji zarah nu leutik pisan, bakal janten bulan purnama nu caang

Unggal abdi ngambung éta panangan nu pinuh kurnia tur mulya

Haté abdi nu leutik tur nalangsa ieu bakal seuri deui

Abdi pisan-pisan moal kiat jauh ti panto limpahan salira

Sareng ieu nadar abdi: nyawa abdi bakal janten kurban kanggo salira

Upami paningal salira nepi kana sirah abdi nu asing, hé cahya Alloh

Dinten ieu dina abdi nu hina ieu bakal aya sagara

Sanaos unsur-unsur ieu nutupan beungeut salira ku hijab

Salira tetep haq, saksina tetep Al-Qur'an

Abdi nyandak pangajaran ti Qâba Qausain teras terang kalayan écés

Éta Cahya Badî' nu éndah bakal janten sultan maknawi

Sing ati-ati, ulah muka obrolan ka Feyzi nu walurat dinten ieu

Sabab bakal kasmaran deui ti awal, ceurik deui.

...

Murid Salira anu Walurat

Hasan Feyzi