SERAT KAGENEP BELAS

Riwayat Hirup · hlm. 236

بِسْمِ اللّٰهِ الرَّحْمٰنِ الرَّح۪يمِ اَلَّذ۪ينَ قَالَ لَهُمُ النَّاسُ اِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ ا۪يمَانًا وَ قَالُوا حَسْبُنَا اللّٰهُ وَنِعْمَ الْوَك۪يلُ

Ieu serat téh parantos jadi tempat témbongna rasiah فَقُولَا لَهُ قَوْلًا لَيِّنًا, ku margi kitu henteu diserat kalayan keras.

Ieu téh waleran kanggo hiji patarosan nu dongkap ti seueur jalma, boh kalayan terus terang boh sacara maknawi.

Masihan ieu waleran téh henteu ngeunah pikeun kaula, kaula henteu hoyong. Sagala rupa kaula parantos dipasrahkeun kana tawakal ka Alloh. Nanging ku margi kaula henteu diantep tengtrem dina kaayaan sareng alam kaula sorangan sarta beungeut kaula dipalingkeun ka dunya, mangka sanés ku basa Said Anyar, nanging kalayan kapaksa ku basa Said Heubeul — sanés kanggo diri kaula, nanging kanggo nyalametkeun réncang-réncang kaula sareng Kalimah-Kalimah kaula tina was-was katut gangguan ahli dunya — kaula ngedalkeun lima titik pikeun ngajelaskeun kaayaan nu saleresna ka réncang-réncang kaula, ka ahli dunya, sareng ka nu nyekel pamaréntahan.